kya karegi ye tiri kakul-e-paiman mera
haal kuchh is se bhi afzun hai pareshan mera
paas aane bhi na deve kabhu parvane ko
dekh le haal agar sham-e-farozan mera
ji men hai dekhiye mar kar bhi ki kya hota hai
jite-ji tak to na nikla koi arman mera
shukr sad-shukr ki tum aa.e ho mere ghar men
aaj abad hua ḳhana-e-viran mera
ruḳh-e-janan ka jo rahta hai tasavvur ‘arif’
kaukab-e-baḳht hai ye dida-e-hairan mera
Leave a Reply