Mal Khun-E-Jigar Mera Hathon Se Hina Samjhe

mal khun-e-jigar mera hathon se hina samjhe

main aur to kya kosun par tum se khuda samjhe

samjhane ki jo baten kiin main ne dila tujh se

ai aql ki dushman so teri to bala samjhe

dil men mire chutki li aisi hai ki dard uttha

maaqul che khush ai vaah aap is ko ada samjhe

ai bu-lahab-e-nakhvat sidhe hain agar sach-much

to aaj se sahab ko ham apna chacha samjhe

sahab ne na ki yaari vahshat se pari se to

ai shaikh-e-junun tum ko ham khvaja-sara samjhe

hangama-e-mahshar bhi gar samne aaya to

us ko bhi tamashai ek saang naya samjhe

vo dasht-e-mohabbat men rakkhe qadam ai ‘insha’

sar apne ko aage hi jo tan se juda samjhe

Leave a Comment