hasrat ke daagh dast-e-talab se nahin dhule
bhari the ḳhvab aankh se puure nahin tule
chakkar bandha tha paanv men qismat ke pher ka
gard-e-safar ke band abhi tak nahin dhule
ashkon ke za.iqe men namak rah gaya hai kam
ranj-o-malal Thiik tarah se nahin ghule
so.e rahen hain mahal-e-tamanna hazar saal
shahzadiyon ke baḳht jabhi to nahin khule
ruhen badan ka saath nibhane men thak rahin
ya.ani ki hast-o-bud barabar nahin rule
Leave a Reply