Makan Se Hoga Kabhi La-Makan Se Hoga

makāñ se hogā kabhī lā-makān se hogā

mirā ye ma.arka donoñ jahān se hogā

tū chhū sakegā bulandī kī kin manāzil ko

ye faisla tirī pahlī uḌaan se hogā

uThe haiñ us kī taraf kis liye ye haath mire

koī to rabt mirā āsmān se hogā

ye jañg jiit hai kis kī ye haar kis kī hai

ye faisla mirī TuuTī kamān se hogā

binā paḌegī judā.ī kī jis ko kahne se

adā vo lafz bhī merī zabān se hogā

Leave a Comment