makan se hoga kabhi la-makan se hoga
mira ye ma.arka donon jahan se hoga
tu chhu sakega bulandi ki kin manazil ko
ye faisla tiri pahli uḌaan se hoga
uThe hain us ki taraf kis liye ye haath mire
koi to rabt mira asman se hoga
ye jang jiit hai kis ki ye haar kis ki hai
ye faisla miri TuuTi kaman se hoga
bina paḌegi juda.i ki jis ko kahne se
ada vo lafz bhi meri zaban se hoga
Leave a Reply