majnun ka jo ai laila juuta na phaTa hota
pichhe tire naaqe ke kyuun barahna-pa hota
be-fa.eda ghul machta kya janiye kya hota
gar un ki gali hoti aur mera gala hota
hota agar aadam ka duniya men koi bhaa.i
nasl-e-bani-adam ka vallah chacha hota
gar qais ki vahshat ka kuchh uunT asar leta
laila ko gira deta aur bhaag khaḌa hota
muflis se ziyada-tar mun.im hi gursana hain
kyuun roz hava khate gar peT bhara hota
vo ban ke masiha bhi achchha jo na kar sakte
bimar tire haq men ye aur bura hota
madum dahan hota mafqud kamar hoti
ma.ashuq ‘zarif’ aisa hota bhi to kya hota
Leave a Reply