dil ko nasib gham ki qayadat nahin rahi
ab justaju-e-aish men lazzat nahin rahi
nairang-e-chashm-e-dost hai mujh par asar-pazir
ab marg-o-zist men vo raqabat nahin rahi
badli hui hai qadr-e-gareban daridgi
ya ḳhanda-ha-e-gul men sadaqat nahin rahi
apni tabi.at aaj ba-faiz-e-gham-e-hayat
mid.hat kun-e-mata-e-latafat nahin rahi
shikva ghalat hai rahmat-e-parvardigar se
mujh ko hi qadr-e-ashk-e-nadamat nahin rahi
irfan aaj randa-e-darga-e-aql hai
uf ashti-e-chashm-o-basarat nahin rahi
khulne laga hai atish-e-sayyal ka bharam
ab bazm-e-mai bhi ba.is-e-‘farhat’ nahin rahi
Leave a Reply