Masoom Sharqi
main ne tujh ko khoya tha main ne tujh ko paaya hai
vo bhi ek dhoka tha ye bhi ek dhoka hai
baiThe shish-mahlon men tum samajh na paoge
ḳhaar kaise paanv men dard ban ke chubhta hai
duur ho nigahon se paas ho rag-e-jan ke
dil ka dil se rishta hai is men mo.ajiza kya hai
asl zindagi hai kya kya khule ki tum ne to
saans ki kasauTi par zindagi ko parkha hai
ḳhuun arzuon ka ghul gaya na ho ‘sharqi’
sub.h-e-nau ke mathe par ahmarin ujala hai
Leave a Reply