Wahshat Raza Ali Kalkatvi
a.ina-e-ḳhayal tha aks-pazir raaz ka
tuur shahid ho gaya jalva-e-dil-navaz ka
paaya bahut kiya buland us ne harim-e-naz ka
ta na pahunch sake ghubar-e-rah-guzar-e-niyaz ka
ḳhastagi-e-kalim ne nukta ajab samjha diya
varna harif men bhi tha is mizha-e-daraz ka
dair mila tha raah men ka.abe ko ham nikal ga.e
jazba-e-shauq men dimagh kis ko ho imtiyaz ka
bandagi aur sahabi asl men donon ek hain
jis ka ghulam ayaaz hai vo hai ghulam ayaaz ka
go tahi-nasib ne duur rakha to kya hua
banda-e-ḳhana-zad huun us ke qad-e-daraz ka
shauq tira hai maujzan zauq tira bahana-ju
khol na den bharam kahin parad gyaan raaz ka
masti-e-be-ḳhudi se yaan aankh khuli na hashr tak
ya.ani yahi javab tha nargis-e-nim-baz ka
ah-o-fughan ke saath saath chha ga.i ek be-ḳhudi
qat-e-zaban zarur tha sham-e-zaban-daraz ka
ḳhaak men mil ga.e vale aankh uThi na sharm se
ham se hua na haq ada us ki nigah-e-naz ka
mutrib-e-ḳhuld kya suna.e vahshat-e-ḳhasta kya sune
mo’taqid-e-qadim hai zamzama hijaz ka
Leave a Reply