main ne maana ek na ik din lauT ke tu aa ja.ega
lekin tujh bin umr jo guzri kaun use lauTa.ega
hijr ke sadme us ka taghaful baten hain sab kahne ki
kuchh bhi na mujh ko yaad rahega jab vo gale lag ja.ega
ḳhvab-e-vafa ankhon men basa.e phirta hai kya divane
ta.abiren pathrav karengi jab tu ḳhvab suna.ega
kitni yaden kitne qisse naqsh hain in divaron par
chalte chalte dekh len muḌ kar kaun yahan phir aa.ega
bad-e-bahari itna bata de sada-dilan-e-mausam ko
sarf-e-chaman jo ḳhuun hua hai rang vo kab tak la.ega
Leave a Reply