Salim Dil Ko Mayassar Sakun Zara Na Hua

Saleem Ahmed

‘salim’ dil ko mayassar sakun zara na hua

agarche tark-e-mohabbat ko ik zamana hua

vo be-ḳhudi thi mohabbat ki be-ruḳhi to na thi

pe us ko tark-e-ta.alluq ko ik bahana hua

usi se daad ka talib huun ru-ba-ru jis ke

bayan-e-dard-e-mohabbat bhi ik fasana hua

vo chob-e-ḳhushk huun mahrum-e-atish-e-sozan

ki bin jala.e jise qafila ravana hua

nashat-e-dard men fursat kahan ki ghaur karen

‘salim’ kya hua ulfat men aur kya na hua