Masud Husain Khan
main ne kaha ki raaz chhupaya na ja.ega
bole kisi se munh bhi lagaya na ja.ega
ho ek do ghaḌi ka to ham ji pe sah bhi len
aThon pahar ka gham to uThaya na ja.ega
is na-murad dil ne ye Thani hai ai ḳhayal
soi mohabbaton ko jagaya na ja.ega
har ghuncha dil-girafta hua sun ke meri baat
chhoḌo bhi ab vo qissa sunaya na ja.ega
kis bhari dil se jaate hain ham us ke dar pe aaj
sar jhuk gaya vahan to uThaya na ja.ega
kis ki nazar ke kanTe pe tulta hai barg-e-gul
tere subuk labon se bataya na ja.ega
har laala us chaman ka hai be-dagh aarzu
shabnam se ye charagh jalaya na ja.ega
‘mas.u’ bagh-e-hind men kya aa ga.i bahar
ham se to is bahar men gaaya na ja.ega
Leave a Reply