Poet
din hi miliyega ya shab a.iyega
banda-ḳhana men phir kab a.iyega
lag chali hi si hai abhi to ḳhayal
Dhab chaḌhega to kuchh Dhaba.iyega
ek bose pe diin o dil to liya
aur kitna mujhe daba.iyega
ja chuke ham jab aap se pyare
kyuun na is raah se ab a.iyega
ham bhi mulla se kuchh karenge shurua
aap kis vaqt maktab a.iyega
kar le karni jo hai ḳharid-o-faroḳht
pher is painTh men kab a.iyega
ab to ‘qa.em’ hai kuuch hi ki salah
yuun ghar apna hai phir jab a.iyega
Leave a Reply