ranj-e-firaq-e-yar men rusva nahin hua
itna main chup hua ki tamasha nahin hua
aisa safar hai jis men koi ham-safar nahin
rasta hai is tarah ka jo dekha nahin hua
mushkil hua hai rahna hamen is dayar men
barson yahan rahe hain ye apna nahin hua
vo kaam shah-e-shahr se ya shahr se hua
jo kaam bhi hua hai vo achchha nahin hua
milna tha ek baar use phir kahin ‘munir’
aisa men chahta tha par aisa nahin hua
Leave a Reply