Dasht Se Main Jo Apne Ghar Aaya

dasht se maiñ jo apne ghar aayā

mere dil meñ ḳhudā utar aayā

jis kī qīmat na de sakā koī

mere hisse meñ vo guhar aayā

saarī duniyā hai raah par merī

jab se maiñ terī raah par aayā

kitne patthar haiñ sāmne lekin

but-garī kā kise hunar aayā

kis ne duniyā ko zindagī de dī

maut kā dil bhī aaj bhar aayā

phir dar-o-bām ho ga.e rañgīñ

phir lahū merā mauj par aayā

Leave a Comment