Rasheed Qaisrani
main ne kaghaz pe saja.e hain jo tabut na khol
ji uThe lafz to main ḳhauf se mar ja.unga
kaun ḳhushbu se havaon ka badan chhinta hai
tu mire saath rahega main jidhar ja.unga
reg-e-sahil se rahi apni shanasa.i to phir
ek din gahre samundar men utar ja.unga
chand-taron ki tarah main bhi huun gardish men ‘rashid’
haan agar tu ne pukara to Thahar ja.unga
Leave a Reply