main ne irada jab bhi kiya hai uḌaan ka
us ko ḳhayal aaya hai tir-o-kaman ka
aa.e ḳhayal apni zamin ka bhi kuchh unhen
rakhte hain dard dil men jo saare jahan ka
phir shahr-e-dostan ki taraf gamzan huun main
go janta huun shahr men ḳhatra hai jaan ka
ham ko zamin se ḳhub-tar aaya na kuchh nazar
chakkar laga ke dekh chuke asman ka
az-ḳhud hi ḳhvahishen miri mahdud ho ga.iin
aaya ḳhayal jab mujhe apne makan ka
Leave a Reply