us ki qurbat ka tamasha bhi ajab hai sa.in
log bimar samajhte hain ghazab hai sa.in
ab tabi.at ke na lagne pe khula mahfil men
ik vahi shoḳh nahin vaise to sab hai sa.in
haa.e kambaḳht ne is darja kiya hai mayus
main samajhta tha ki iz.har-ba-lab hai sa.in
main bhi kuchh apne hunar ka to dikha.un jalva
jashn-e-nauroz bata shahr men kab hai sa.in
rang khulta hai kahan shaam se pahle us ka
shaam bhi der se aati hai ghazab hai sa.in
shauq mera ye nahin hai miri majburi hai
kuchh to is tarah bhaTakne ka sabab hai sa.in
dard-e-dil le ke kahin aur bhala kyon ja.un
samne jab mire tera ye matab hai sa.in
Leave a Reply