main ne dhaḌkan suni shajar ki raat
niind patton ne be-ḳhatar ki raat
us ne ruḳhsat kabhi na leni thi
vo bhi maara gaya safar ki raat
bhaunkti rahti hai sitaron par
mere andar kisi khanDar ki raat
main ne divangi men phaḌe hue
ḳhema-e-ḳhak men basar ki raat
din to lekin ka Dhal gaya sahab
samne hai agar magar ki raat
main huun sayyara-e-falak bezar
mujh men din hai kahan kidhar ki raat
kholte laave par guzari hai
ek bujhte hue sharar ki raat
suni dastak ‘shafaq’ na ḳhvabon ki
haa.e mujh shaḳhs-e-be-ḳhabar ki raat
Leave a Reply