Chand Akbarabadi
jo thi ilaqe men sab se hasin bech aa.e
ham apne purkhon ki saari zamin bech aa.e
purane logon ne ganjon ko kanghiyan bechin
na.e jo log hain sanpon ko biin bech aa.e
bharam tha dil men jo mahfil ka vo bhi dil se gaya
suḳhan to bikta tha tum sama.in bech aa.e
nahin ye gham ki amanat men kyuun ḳhayanat ki
mujhe ye dukh hai vo apna yaqin beach aa.e
jo log khate hain urdu ke naam ki roTi
labon pe un ke hai bas siin shiin bech aa.e
pakaḌ li zang men lipTi hoi na.i tahzib
mila tha ham ko jo sone sa diin bech aa.e
Leave a Reply