Main Ye Nahin Kahta Ki Mera Sar Na Milega

main ye nahin kahta ki mira sar na milega

lekin miri ankhon men tujhe Dar na milega

sar par to bithane ko hai tayyar zamana

lekin tire rahne ko yahan ghar na milega

jaati hai chali jaae ye mai-khane ki raunaq

kam-zarfon ke hathon men to saghar na milega

duniya ki talab hai to qanaat hi na karna

qatre hi se khush ho to samundar na milega

Leave a Comment