main vahm bechta huun vasvase banata huun
sitare dekhta huun za.iche banata huun
garan hai itna to kyon vaqt ho mujhe darkar
maze se baiTha hua bulbule banata huun
musafiron ka mire ghar hujum rahta hai
main pyaas banTta huun aable banata huun
ḳharid laata huun pahle tire visal ke ḳhvab
phir un se apne liye rat-jage banata huun
yahi nahin ki zaminen miri achhuti hain
main asman bhi apne liye banata huun
Leave a Reply