Ahmad Ata
main tiri manta lekin jo mira dil hai na
dar ka patthar hai hatana ise mushkil hai na
ye tira husn kuchh aisa nahin pujen jis ko
lekin ai yaar tire gaal ka jo til hai na
jo mire vaste din raat dua karte hain
dushman-e-jan ye bata un men tu shamil hai na
mangna aata nahin aur khuda kahta hai
ai farishto ise dekho ye jo saail hai na
zindagi ishq men guzre to qasida likkhun
ki vahi ek qasida tire qabil hai na
Leave a Reply