Main Tere Sath Chal Nahin Sakta

maiñ tere saath chal nahīñ saktā

tū ravayya badal nahīñ saktā

aa.e darvesh gar jalālī meñ

phir ye sūraj nikal nahīñ saktā

raaz miTTī meñ hai koī shāyad

dhuup meñ peḌ jal nahīñ sakta

das ko paale hai baap tanhā hī

das se kyoñ baap pal nahīñ saktā

jis meñ shāmil ho suud kī lazzat

maiñ vo luqma nigal nahīñ saktā

tere aañsū fuzūl haiñ ‘tāriq’

ab ye patthar pighal nahīñ saktā

Leave a Comment