tab se ashiq hain ham ai tifl-e-pari-vash tere
jab se maktab men tu kahta tha alif be te se
yaad aata hai vo harfon ka uThana ab tak
jiim ke peT men ek nukta hai aur ḳhali he
he ki par shakl havasil ki si aati hai nazar
nuqta is par jo laga ḳhe hua ye vaah be ḳhe
daal bhi chhoTi bahan us ki hai juun atuje
ek parkala sa beTa bhi hai ghar men un ke
re bhi ḳhali hai aur ze pe hai vo nukta ek
ki mushabah hai jo til se miri ruḳhsare ke
scene ḳhali hai baḌi shiin pe hain nuqta tiin
saad aur zaad men bas farq hai ik nuqte se
to.e bin turra hai aur zo.e par ik nuqta phir
ain be-aib hai aur kaane miyan ghain hue
fe pe ik nuqta hai aur qaaf pe hain nuqta do
kaaf bhi ḳhali hai aur laam bhi ḳhali, ye le
miim bhi yuun hi hai aur nuun ke andar nuqta
muflisa beg hai ye vaav bhi aur chhoTi he
kya ḳhalifa ji ye hai hai hai nahin se nikle
aage chhuTTi do ai lo laam alif hamza ye
galiyan teri hi sunta hai ab ‘insha’ varna
kis ki taqat hai alif se jo kahe us ko be
Leave a Reply