Ghair Ke Ghar Sahi Wo Aaya To

ġhair ke ghar sahī vo aayā to

ġham hī mere liye vo laayā to

dushmanoñ ko muaaf kar Daalā

dostoñ se fareb khāyā to

peḌ ke ghoñsloñ kā kyā hogā

ghar use kaaT kar banāyā to

phir mire sāmne thī ik dīvār

ek dīvār ko girāyā to

kis qadar zor se huī bārish

maiñ ne kāġhaz kā ghar banāyā to

kyā karoge ‘na.īm’ sāl-e-nau

pesh-rau kī tarah hī aayā to

Leave a Comment