main shab-e-hijr kya karun tanha
yaad men teri gum rahun tanha
hain idhar gardishen zamane ki
hai muqabil udhar junun tanha
kitne be-nur hain ye hangame
main bhare shahr men bhi huun tanha
aadmi ghir gaya masail men
rah gai ziist be-sukun tanha
vo to is daur ke nahin insan
mil gaya hai jinhen sukun tanha
ham-safar jab ‘niyaz’ andhere hain
shama ghabra rahi hai kyuun tanha
Leave a Reply