Niyaz Husain Lakhwera
main sat.h-e-sher pe ubhra huun aftab liye
ḳhulus-e-fikr shu.ur-e-nazar ke ḳhvab liye
suḳhan-shanas bhi hai fan se ashna bhi hai
vo kal mila tha mujhe faiz ki kitab liye
sukun-e-jism to hasil kabhi hua hi nahin
main ji raha huun tiri qurbaton ke ḳhvab liye
jhulas raha hai javani ki lau men mera badan
tiri talash men huun garmi-e-shabab liye
nazar uTha ki tire ru-ba-ru main Thahra huun
niyaz-o-naz ke mahke hue gulab liye
Leave a Reply