Main Rang Birangi Morni Mere Pankh Bahut Mumtaz

maiñ rañg birañgī mornī mire pañkh bahut mumtāz

mirā raqs anokhā raqs hai mujhe apne aap pe naaz

maiñ sabz rutoñ kī rāzdāñ maiñ patjhaḌ kī hamdard

maiñ apnī aap misāl huuñ merā ek judā andāz

maiñ dhānī shaam kā ruup bhī maiñ sub.h kī komal dhuup

mujhe dekh ke koyal gaa.e to har paat bajā.e saaz

maiñ mast alast faqīrnī nāchūñgī tire dvaar

mirī chhatrī ban jā sā.iyāñ mujhe apnā ishq navāz

maiñ vāris shaah kī hiir huuñ mire ruup haiñ ek hazār

mirā naam ‘shumāma’ ufuq hai mahkāroñ kī āvāz

Leave a Comment