likhe hue alfaz men tasir nahin hai
dil par jo kisi ishq ki tahrir nahin hai
is ziist ke har mod pe ladni hai mujhe jang
qirtas o qalam hain koi shamshir nahin hai
mumkin hi nahin tha tujhe avaz lagate
hai ishq ki rudad pa tashhir nahin hai
duniya men vafa dhundne nikle the nadarat
ik bojh hai dil par mire shahtir nahin hai
lamhe men palat denge zamane ko tumhare
hai ahd-e-hunar jaan ye taskhir nahin hai
paivast hain is ghar se bahut aap ki yaden
guzre hue lamhat hain zanjir nahin hai
chup-chap bahut der se phirte hain gurezan
duniya men koi aap sa dil-gir nahin hai
Leave a Reply