Main Na Soya Raat Sari Tum Kaho

maiñ na soyā raat saarī tum kaho

bin mire kaise guzārī, tum kaho

hijr, āñsū, dard, ā.heñ, shā.erī

ye to bāteñ thiiñ hamārī, tum kaho

haal mat pūchho mirā, ye haal hai

jism apnā, jaañ udhārī, tum kaho

rakh do bas mere laboñ pe uñgliyāñ

maiñ sunūñgā raat sārī, tum kaho

phir kabhī apnī sunā.ūñgā tumheñ

aaj sunñī hai tumhārī, tum kaho

rok lo ‘kānha’ use jaatā hai vo

vo nahīñ suntā hamārī, tum kaho

Leave a Comment