Mohsin Bhopali
main lafzon ke asar ka mo.ajiza huun
mujhe dekho mujassam ik dua huun
main chhoTon men bahut chhoTa huun lekin
baḌon ke darmiyan sab se baḌa huun
talash-e-rizq men nikla tha ghar se
ab apne aap ko main DhunDhta huun
ata kar hausle ko istaqamat
mire ma.abud tanha rah gaya huun
mire alfaz hain avaz ‘mohsin’
main naghma huun agarche be-sada huun
Leave a Reply