Main Lafzon Ke Asar Ka Moajiza Hun

maiñ lafzoñ ke asar kā mo.ajiza huuñ

mujhe dekho mujassam ik duā huuñ

maiñ chhoToñ meñ bahut chhoTā huuñ lekin

baḌoñ ke darmiyāñ sab se baḌā huuñ

talāsh-e-rizq meñ niklā thā ghar se

ab apne aap ko maiñ DhūñDhtā huuñ

atā kar hausle ko istaqāmat

mire ma.abūd tanhā rah gayā huuñ

mire alfāz haiñ āvāz ‘mohsin’

maiñ naġhma huuñ agarche be-sadā huuñ

Leave a Comment