koshish-e-tark-e-mulaqat ka afsos nahin
ab hamen un ki kisi baat ka afsos nahin
azm-e-rasiḳh hai to ḳhatrat ka afsos nahin
chhat salamat hai to barsat ka afsos nahin
vaqt par apne har ik chiiz badal jaati hai
ham ko badle hue halat ka afsos nahin
ham hain achchhe hamen achchha nahin kahte na sahi
ham ko ghairon ke ḳhayalat ka afsos nahin
ka.aba-e-dil ko bhi Dhaya hai sitamgaron ne
sirf kuchle hue jazbat ka afsos nahin
tu jo kahta hai bhale hi ke liye kahta hai
ai ‘ḳhalish’ teri kisi baat ka afsos nahin
Leave a Reply