main ḳhvab apne saare nilam kar raha huun
aur ye bhi jaan lo ki be-dam kar raha huun
is se gharaz nahin hai boli lagegi kaise
jo kaam karna hai bas vo kaam kar raha huun
vo sab kahaniyan jo puuri nahin hui thiin
tahrir aaj un ka anjam kar raha huun
thak-har sa gaya tha main raah chalte chalte
saaya jo mil gaya hai aram kar raha huun
sair-e-jahan ki fursat milti kahan hai mujh ko
ab kya bata.un tum ko kya kaam kar raha huun
Leave a Reply