Syed Shakeel Desnavi
main karb-e-but-tarashi-e-azar men qaid tha
sho.ale ka kya qusur jo patthar men qaid tha
jis ki tahon men ḳhud hi machalti hain andhiyan
main ḳhvahishon ke aise samundar men qaid tha
phenke hai mujh ko duur ye gardish hai kitni tez
kin mushkilon se zaat ke mehvar men qaid tha
aate hain saare raste muḌ kar yahin ‘shakil’
zindan mira yahi tha isi ghar men qaid tha
jis ka tariq-e-jang hi shab-ḳhun raha ‘shakil’
main aise hadsat ke lashkar men qaid tha
Leave a Reply