main kaenat men sayyaron men bhatakta tha
dhuen men dhuul men uljhi hui kiran ki tarah
main is zamin pe bhatakta raha huun sadiyon tak
gira hai vaqt se kat kar jo lamha us ki tarah
vatan mila to gali ke liye bhatakta raha
gali men ghar ka nishan dhundta raha barson
tumhari ruuh men ab jism men bhatakta huun
labon se chuum lo ankhon se thaam lo mujh ko
tumhari kokh se janmun to phir panah mile!
Leave a Reply