main jaisa bhi huun tere samne huun
jo duniya hai vo de de samne huun
tiri duniya hai to har chiiz men hai
jahan bhi huun main tere samne huun
abhi din hai bata kya chahta hai
abhi zinda huun tere samne huun
falak ki jagmagati chhat hai sar par
main hairan huun ki kis ke samne huun
hava chalti hai ya gaata hai koi
vo kaun aisa hai kis ke samne huun
mujhe to sharm aati hai ye kahte
main pyasa huun tumhare samne huun
Leave a Reply