meer-taqi-meer

Bazm Mein Jo Tera Zuhur Nahin

bazm men jo tira zuhur nahin

sham-e-raushan ke munh pe nuur nahin

kitni baten bana ke laun ek

yaad rahti tire huzur nahin

khuub pahchanta huun tere taiin

itna bhi to main be-shuur nahin

qatl hi kar ki us men rahat hai

lazim us kaam men marur nahin

fikr mat kar hamare jiine ka

tere nazdik kuchh ye duur nahin

phir jiyenge jo tujh sa hai jan-bakhsh

aisa jiina hamen zarur nahin

aam hai yaar ki tajalli ‘mir’

khaas muusa va koh-e-tur nahin

More Poems

Leave a Comment