Badiuzzaman Khawar
raushni hi raushni hai shahr men
phir bhi goya tirgi hai shahr men
roz-o-shab ke shor-o-ghul ke bavajud
ik tarah ki ḳhamushi hai shahr men
rail ki paTri pe so jaate hain log
kitni asan ḳhud-kushi hai shahr men
jo imarat hai vo sar se paanv tak
ishtiharon se saji hai shahr men
gaanv chhoḌe ho chuki muddat magar
‘ḳhavar’ ab tak ajnabi hai shahr men
Leave a Reply