akhilesh-tiwari

Kabhi To dub Chale Hum Kabhi Ubharte Hue

kabhi to duub chale ham kabhi ubharte hue

ḳhud apni zaat ke dariya ko paar karte hue

yahin se raah koi asman ko jaati thi

ḳhayal aaya hamen siḌhiyan utarte hue

agar vo ḳhvab hai jo aankh men salamat hai

to phir ye kya hai jise dekhta huun marte hue

simaT ke ḳhud men mira ḳhair kya bana hota

hava ke dosh pe tha duur tak bikharte hue

nae safar ki kahin ibtida na ho manzil

ye paanv puchh rahe hain thakan se darte hue

abhi to duur talak asman suuna tha

kahan se aa gae panchhi uḌaan bharte hue

More Poems

Leave a Comment