Mohammad Asadullah
apna chehra dikha ga.iin lahren
bastiyon ko Dara ga.iin lahren
ret par raat zindagi likkhi
sub.h aa kar miTa ga.iin lahren
in zaminon ki kokh se janme
asmanon ko kha ga.iin lahren
jis se raushan tha dil ka virana
vo diya bhi bujha ga.iin lahren
koi thame hue tha Dor udhar
ab ke sab ko bata ga.iin lahren
mera chehra tha ret ka chehra
ek pal men miTa ga.iin lahren
Leave a Reply