main is se pahle ki bikhrun idhar udhar ho jaun
mujhe sambhal le mumkin hai dar-ba-dar ho jaun
ye ab-o-tab jo mujh men hai sab usi se hai
agar vo chhod de mujh ko to main khandar ho jaun
miri madad se khujuron ki fasl pakne lage
main chahta huun ki sahra ki dopahar ho jaun
main as-pas ke mausam se huun tar-o-taza
main apne jhund se niklun to be-samar ho jaun
badi ajiib si hiddat hai us ki yadon men
agar main chhu luun pasine se tar-ba-tar ho jaun
main kachchi mitti ki surat huun tere hathon men
mujhe tu dhaal de aise ki mo’atabar ho jaun
bachi-khuchi hui sanson ke saath pahunchana
suno havao agar main shikasta-par ho jaun
Leave a Reply