Shaheen Abbas
diye ka kaam ab ankhen dikhana rah gaya hai
ye sidha jal chuka ulTa jalana rah gaya hai
hamin saman puura kar nahin paa.e ki chalte
so rahte rahte is jangal se jaana rah gaya hai
sar-e-koh-e-nida ye pahli pahli ḳhamushi hai
koi avaz hai jis ka lagana rah gaya hai
ye do baazu hain sau thoḌi hain kholun aur bata duun
mire atraf men kis kis ka aana rah gaya hai
kaman-daron ka jashn us raat abhi banta nahin tha
main kahta rah gaya mera nishana rah gaya hai
saḌak par phuul ek aaya paḌa hai aur musafir
ka.i aise hain jin ka aana jaana rah gaya hai
Leave a Reply