ye baton hi baton men baten badalna
koi tum se sikhe ye ankhen badalna
ham aaseb ke Dar se ghar kyuun badal len
parindon pe jachta hai shaḳhen badalna
kuchh apna bhi kah lo yuun kab tak chalega
radifen uchakna zaminen badalna
vahi gham se aari hain kar-e-jahan men
jinhen ḳhuub aata hai rahen badalna
ye jiina bhi shatranj hi ne sikhaya
ki chalon ke lagne pe chalen badalna
rivayat rahi hai yahi fi zamana
nazariye badalna kitaben badalna
ye tujh se hi sikha hai jan-e-tamanna
zara si udasi men banhen badalna
Leave a Reply