poet

Hum Dil O Jaan Se Kharidar Hain Kin Ke Un Ke

ham dil o jaan se kharidar hain kin ke un ke

bais-e-garmi-e-bazar hain kin ke un ke

ye khuda jaane kisi ko hai khabar ya ki nahin

ham bhi ik ashiq-e-gham-khvar hain kin ke un ke

maqtal-e-ishq men ham roz-e-azal se yaaro

bismil-e-gham-za-e-khun-khvar hain kin ke un ke

tha jinhen husn-parasti se hamesha inkar

vo bhi ab talib-e-didar hain kin ke un ke

ham ko ayyar samajhte hain ye be-mehr ‘nisar’

jo daghabaz hain so yaar hain kin ke un ke

More Poems

Leave a Comment