Qateel Shifai
pyaar ki raah men aise bhi maqam aate hain
sirf aansu jahan insan ke kaam aate hain
un ki ankhon se rakhe kya koi ummid-e-karam
pyaas miT jaa.e to gardish men vo jaam aate hain
zindagi ban ke vo chalte hain miri saans ke saath
un ko aise ka.i andaz-e-ḳhiram aate hain
ham na chahen to kabhi shaam ke saa.e na Dhalen
ham taḌapte hain to sub.hon ke salam aate hain
ham pe ho jaa.en na kuchh aur bhi raten bhari
yaad aksar vo hamen ab sar-e-sham aate hain
chhin ga.e ham se jo halat ki rahon men ‘qatil’
un hasinon ke hamen ab bhi payam aate hain
Leave a Reply