adil-mansuri

Wo Mar Gai Thi

us ke zahri hont kaale pad gae the

us ki aankhon men

adhuri khvahishon ke devtaon ke

janaze gad gae the

us ke chehre ki shafaq ka rang

ghael ho chuka tha

us ke jalte jism ki khushbu ka suraj

parbaton ki chotiyon se niche gir kar

tukde tukde ho chuka tha

us ki chhati par

sulagte chand ke sayon ke patthar

rasta roke khade the

us ke jalte jism ke jhulse hue sahra men

piili hasraton ke asman

pyase pade the

band kamre men

miri maujudgi se Dar gai thi

vo mar gai thi

More Poems

Leave a Comment