Main Hun Meri Chashm-E-Tar Hai Raat Hai Tanhai Hai

main huun meri chashm-e-tar hai raat hai tanha.i hai

dard mera ham-safar hai raat hai tanha.i hai

jugnuon se saath chalne ki guzarish kijiye

hijr ka lamba safar hai raat hai tanha.i hai

phir vahi yaden vahi aansu vahi ah-o-fughan

phir vahi divar-o-dar hai raat hai tanha.i hai

doston ki bhiiḌ ko masrufiyat men kho diya

aaj fursat baam par hai raat hai tanha.i hai

tujh ko paane ke junun men ham vahan tak aa ga.e

ḳhud ko ab khone ka Dar hai raat hai tanha.i hai