Mahtab Haider Naqvi
aao ye ḳhamoshi toḌen a.ine se baat karen
thoḌi hairat aankh men bhar len thoḌi si ḳhairat karen
hijr o visal ke rang the jitne tariki men Duub ga.e
tanha.i ke manzar men ab kaun sa kar-e-hayat karen
dekho is ke baad aa.egi aur andheri kaali raat
dhuup ke in TukḌon ko chun len jam.a yahi zarrat karen
pyason ke jhurmuT men hain aur itna soch rahe hain ham
ankhon ke is bojhal-pan ko kaise nahr-e-furat karen
paani paani kahne vaale dariya dariya Duub ga.e
kis munh se sahil valon se tishna-labi ki baat karen
Leave a Reply