Ahmad Husain Mail
main hi matlub khud huun tu hai abas
aaj se teri justuju hai abas
sadgi men hai laakh laakh banav
aaina tere ru-ba-ru hai abas
mujh ko donon se kuchh maza na mila
dil abas dil ki aarzu hai abas
baad aab aag khaak gard-e-ruh
zisht-ruyon men khub-ru hai abas
tur-o-musa hain zarre zarre men
kab tira jalva chaar su hai abas
lipte hain khvab men vo dushman se
haath yaan zinat-e-gulu hai abas
vaah ‘mail’ khudi men zikr-e-ana
chup raho tum ye guftugu hai abas
Leave a Reply