Ziaul Mustafa Turk
na thiin to duur kahin dhyan men paḌi hui thiin
tamam ayaten imkan men paḌi hui thiin
kivaḌ khulne se pahle hi din nikal aaya
basharaten abhi saman men paḌi hui thiin
vahin shikasta qadamchon pe aag raushan thi
vahin rivayaten anjan men paḌi hui thiin
ham apne aap se bhi ham-suḳhan na hote the
ki saari mushkilen asan men paḌi hui thiin
pas-e-charagh main jo samten DhunDta raha ‘turk’
vo ek lafz ke dauran men paḌi hui thiin
Leave a Reply